यूएईविरुद्ध नेपालको जीत

काठमाडौं । आईसीसी एकदिवसीय विश्वकप छनोटअन्तर्गत सातौं स्थानका लागि भएको प्लेअफ सेमिफाइनलमा नेपालले यूएईलाई ३ विकेटले हराएको छ । नेपालले अब सातौँ स्थानका लागि आयरल्यान्डसँग प्रतिस्पर्धा गर्ने छ ।

यूएईले दिएको एक सय ८२ रनको लक्ष्य नेपालले ४३।२ ओभरमा ७ विकेट गुमाएर पुरा गर्यो । नेपालको जितमा दीपेन्द्रसिंह ऐरीले सर्वाधिक ७९ रन बनाए ।

कुशल भुर्तेलले ३५ रन जोडे। ६३ रन जोडदा ६ विकेट गुमाएको नेपालका लागि दिपेन्द्रले शानदार प्रदर्शन गरेका हुन् । उनले सातौँ विकेटका लागि गुल्सन झासँग ४३ र आठौँ विकेटका लागि सन्दीप लामिछानेसँग अविजित ७९ रनको साझेदारी गरेका थिए। गुल्सनले १२ र सन्दीपले रन बनाए ।

त्यसअघि ज्ञानेन्द्र मल्ल १३ र कप्तान रोहित पौडेलले ४ रन मात्र जोड्न सकेका थए भने विकेटकिपर अर्जुन साउद, भीम सार्की र आरिफ शेख समान १ रनमा आउट भएका थिए ।

प्रतिक्रिया

सम्बन्धित समाचार